Kolumbien
12. Juni - 31. Juli 2016
Laguna de la Coche
Gemeinsam sind wir stark: dr 9. Grenzübergang ufem Landweg nähme mir mit dr Tanja & em Lino us Züüri in Agriff. Mir hend scho e paar Täg in Quilotoa & Quito mit ihne verbrocht undwerde
die erste 2 Wuche in Kolumbie zämä verbringe.
In Kolumbie hets in de letzte Täg Unruhe & Streiks geh. D Laag het sich jedoch wieder e chli beruhigt. S Einzige, wo mir mitbechömme, sind die kilometerlange Schlange vor de Tankstelle, do d
Benzinversorgig zämäbroche isch.
Aber uf unsere wittere Reis durch Kolumbie wärde mir nomol vo de Streiks betroffe si: well Lastwagefahrer d Strosse blockiere, het sich unseri Reis and Karibik-Küste ume Tag
verschobe!
Aber zerst mol no zu unserem1. Stopp: E Lagune, wo mir uns zämä es chlises Hüüsli miete, Rum trinke und Musik mache!
San Agustin
3-tägigi Wanderig vo San Agustin nach Valencia
Das isch sozaage d Geburtstags-Wanderig vom Björn worde: insgesamt gohts 42km uf eme Guerilla-Pfad durch wunderschöni Landschafte & Lagune (wo mr uf Grund vom schlächte Wätter am 2. und 3. Tag
leider nitwirkligseh händ.) In dere Region vo Kolumbie sind d Quelle vo de 5 grösste Flüss vom Land. S Läbe isch sehr eifach - das merke mr au bi de Übernachtige. Immer wieder sehr ihdrücklich,
wie d Mensche do läbe & mit wie wenig sie glücklich sind!
Dr 2. Tag - em Björn si Geburtstag - isch e zimmlichi Herusforderig gsi: In über 10 Stund sind mir 20km in Gummistiefel gloffe, es het 9 Stund drvo grägnet und dr Wäg isch
steinig,steinig-und-rutschig, oder steinig-und-schlammig gsi. Mir sind plotsch-nass und dräckig gsi. Und es isch chalt gsi. Aber es isch trotzdem e super Erfahrig gsi.
Caño Cristales
S Glück & s Timing isch mol wieder uf unsere Sitte gstande:
In San Agustin hämmer nämlich e Allschwiiler kenne glernt, wo sit 10 Johr in Kolumbie wohnt, e wunderschöni Finca het & Kaffii abaut. Am Obe hämmer bi ne paar Bierli Gschichte ustuuscht und
sind ufe "Caño Cristales" z spreche cho, wo jo so traumhaft sött si. Die meiste Touriste fliege vo Bogota us dört ahne, sit zwei Johr isch aber au e Stross offe (und frei vo Guerilla's), so dass
me vo San Agustin in ca. 14 Stund mit Vans & Jeeps ahne chunnt. Er het uns denn versproche, am negste Tag Kontakt zu sim französische Kolleg uf z neh, well dä scho e paar Mol dört gsi isch,
damit dä uns denn e paar Tipps zu dr Areis cha geh. S het sich denn usegstellt, dass dä grad zuefälligerwiis Ferie het und mit sine drei Kollege e Reis dört ahne macht, wo an negste Tag startet
& mir uns eifach ihne chönne aschliesse. JACKPOT! Mir hend uns um nüt miesse kümmere und hend so z saage unseri persönliche Führer drbi ka!
Popayan
Dä Hund gwinnt definitiv bi keim Schönheitswettbewerb.
Cali
Wieso s nume 1 Fötteli us Cali git?
Mir händ die erste zwei Wuche in Kolumbie zimmlichs Programm ka, darum hämmer unsers tolle Hostel mit Pool & Chuchi usgnützt: eMails & WhatsApp-Nochrichte beantworte, Fötteli dure goh,
lösche, uf Dropbox lade (Nikon&GoPro) Witterreisplane (Reiseführer läse, Hostel use schriebe/bueche), neue Blog erstelle, mit Fründ/inne telefoniere, go ihchaufe und fein choche, Tagebuech schriebe, Rummi spiele... Langwielig wirds uns definitiv
nie!
Salento: Zona Cafeteria // Kaffee-Tour
Kolumbie isch dr 3. grössti Kaffii-Produzent (Platz 1. Brasilie, Platz 2. Vietnam, Platz 4. Indonesie). D Kolumbianer sälber trinke do aber meistens völlig übersüesste Instant-Kaffii (wo us de
schlächteste Bohne-quasi em Abfall-härgstellt wird) oder wenns hochchunnt, sogenannete 2.klassige Kaffii - do dr erstklassigi natürlich us finanzielle Gründ exportiert wird. Das git eim scho e chli z
dänke..
Inere einehalb-stündge Tour wird uns dr ganzi Produktions- und Herstelligsprozess sehr interessant erkläärt. Am Schluss gits natürlich au no e Tässli erstklassige Kaffii!
Wird s Fruchfleisch füre Tröchnigs-Prozess dra glo, gits e eher süessliche Kaffii:
Wenn me die gsamti Frucht tröchnet, gits e stärkere Kaffii:
Meistens wird aber eifach nur d Bohne selber tröchnet - und zwar uf zwei verschiedeni Arte: Natürlich andr Luft (um die 12 Täg) oder mit ere Lüftigsmaschine (ca. 24 Stund).
Gröstet wärde d Bohne meistens erst in de Abnahme-Länder, wo sie mit günstigere Bohne gmischt werde - so entstönd denn die sogenannte "Blends".
Valle de Cocora
Palme und Chüeh?!
E sehr gwöhnigsbedürftigi Kombination für uns Schwyyzer, aber: Kolumbie machts möglich!
In däm Taal wachse bis zu 60 Meter hochi Wachspalme - s Wohrzeiche vo Kolumbie - uf ca. 2500 MüM. E tolli Wanderig führt usserdem zu dr "Casa de Colibri".
Medellin
E guets Bispiel drfür, wie wiit me bi de Komumbianer/inne mit e bitz Fründlichkeit und eme Lächle chunnt. Me cha nit nur bime "Tinto" (Kaffii) e bitz märte, sondern au bi Hostels, Taxi, Busfahrteoder
bi dr Wösch!
Guatapé
Piedra de Peñol
Bogotá
Villa de Leyva
Karibikküste
Palomino
Parque Nacional Tayrona
Santa Marta // Minca
Cartagena // Boquilla
Capurganá
Exkurs // Home is... Where the Heart is
