Süd-und Mittelamerika sind zwar durch e Landstück mitenand verbunde, aber als Grenzübergang gänzlich ungeignet. Es isch eini vo de grösste Drogeschmuggler-Route, wo verschiedeni Gruppe regiere und dr
Darien somit sehr gföhrlich mache.
Nichts desto trotz, händ mir in Capurgana in Kolumbie täglich um die 200 (meist haitianischi) Flüchtling gseh acho & sich bereit mache für die 5tägigi Wanderig dure Darien-Dschungel. Sie
chömme meistens us Brasilie, wo sie für d WM und d olympische Spiel gholfe händ, d Stadie z baue & sind scho durch Peru, Ecuador und Kolumbie greist. Ihres Ziel isch d USA.
Es het uns sehr berührt, das mit eigene Auge z gseh & ei Mol meh het uns s schlächte Gwüsse ploogt, in unserem Alter scho e riese Wältreis z mache.. Und das nur, well mir in dr Schwyz gebore
worde sind.
Für uns Reisendi bliebe also drei Möglichkeite nach Panama z glangw:
1. Fliege (z schlächt für d Umwält) 2. fünf-siebetägige Segelboot-Trip (Nadja isch seekrank) oder 3. Mit em Speedboot via d San Blas Insle: perfekt!
Mir sind als 28-köpfigi Gruppe mit de San Blas Adventures
gange, täglich nur 2 Stund mit de Boot unterwägs gsi, händ insgesamt 7 vo 365 Insle bsuecht, gschnorchlet, tolli Gspröch gführt, gschnorchlet, viel Rum-Cola trunke guet gässe und in
Hängematte gschlofe.
San Blas Archipel
Am 2. August händ mir denn unsers 1 jöhrige Reisejubiläum gfyyrt. Es isch unglaublich, wie schnäll die Zyt vergange isch und wie viel mir erläbt händ. Mir freue uns sehr uf die rästliche 8 Mönet
& sind gspannt, was Mittelamerika & Asie no alles z biete het!
Panamá Stadt
In Panama Stadt sind mir e paar Täg wäg ere Erkältig flach gläge & händ darum nit viel vo dr Stadt gseh. Für e chline Usflug zum bekannte Panama-Kanal hets immerhin no glängt:
Santa Catalina
In Santa Catalina simmer drei Täg go surfe - und händ viel mit eme sympatische Päärli us Kanada gmacht, wo mr denn spöter uf Bocas nomol atroffe händ!
Bocas del Toro
In Bocas bliebe mir grad e Wuche und gniesses tolle Hostel mit eme "All you can eat Pancake Zmorge" und mache Usflüg uf anderi Insle und an Stränd: Hospital Point, Red Frog Beach, Dolphin Bay,
Zapatilla, Playa Bluff & La Gruta (Flädermuus-Höhli).
Do hets nit nume s Wiederseh mi de Kanadier geh, sondern au mit de Tessa & em Guus us Holland, wo mir uf de San Blas Adventures Tour kenne glernt händ:
Und sogar no dr Daniel us Dütschland isch do. Mit ihm und sinere Fründin simmer in März e Wuche in Bolive umegreist. Das Mol isch d Maike leider deheim am schaffe, aber drfür begleitet ihn sini
Schwöster!